बझाङ । बझाङमा माटोको ढिस्कोमा पुरिएर एक महिलाको मृत्यु भएको छ ।
जिल्लाको जयपृथ्वी नगरपालिका वडा नँ ८ पैयातोलाकी २५ वर्षिया मञ्जु बमको माटोको ढिस्कोमा पुरिएर मृत्यु भएको हो ।
नयाँ वर्षका लागि घर पोत्न माटो ल्याउन गएकी बमको आज आइतबार विहान ७ बजे घटनास्थलमै मृत्यु भएको हो ।
स्थानीय चार जना महिला बिहान माटो लिन जयपृथ्वी नगरपालिका ३ आमपाटा गएका थिए । माटो खन्दै गर्दा एक्कासी ढिस्को भत्किएर पुरिएपछि मृत्यु भएको जिल्ला प्रहरी कार्यालय बझाङले जनाएको छ ।
ढिस्कोले पुरिएकाको अवस्थामा स्थानीय र प्रहरीको सक्रियतामा शव निकालिएको हो ।
मृतकको शव पोष्टमार्टमका लागि जिल्ला अस्पताल बझाङमा राखिएको मृतकका आफन्त नविन बमले बताए ।
प्रतिक्रिया