जवरजस्ती करणी प्रयासको आरोपमा बझाङमा एक युवक विरुद्ध मुद्दा दर्ता

बझाङ । बझाङ जिल्लामा विवाहको प्रलोभन देखाएर जवरजस्ती करणी प्रयास गरेको आरोपमा एक जना युवक विरुद्ध मुद्दा दर्ता गरिएको छ ।

जिल्लाको केदारस्यु गाउँपालिका वडा नं. २ का १८ वर्षका युवक जनक ओखेडाले १५ वर्षीया किशोरीलाई जबरजस्ती करणी गर्न खोजेको भन्दै जिल्ला प्रहरी कार्यालयमा बुधबार उजुरी दर्ता गरिएको जिल्ला प्रहरी कार्यालय बझाङ्गले जनाएको छ ।

जिल्ला प्रहरी कार्यालय बझाङका प्रहरी प्रमुख रुपक खड्काका अनुसार किशोरीलाई विवाहको प्रलोभन देखाएर २ पटक जबरजस्ती करणी गर्न खोजेको भन्दै प्रहरीमा मुद्दा दर्ता भएको हो । जबरजस्ती गर्न खोज्ने युवककोे खोजी कार्य र घट्नामा अनुसन्धान गर्ने काम जारी रहेको खड्काले बताए ।