काठमाडौँ । नेपालमा पछिल्लो समय कोरोना भाइरस संक्रमणको बढ्दो जोखिमलाई मध्यनजर गर्दै शिक्षा मन्त्रालय र सरोकारवाला निकायबीच छलफल सुरु भएको छ ।
संक्रमण नियन्त्रणका लागि विद्यालय बन्द गर्ने कि नगर्ने भन्ने विषयमा सरोकारवालाहरुको राय लिने उद्देश्यले छलफल गर्न लागिएको मन्त्रालय स्रोतले बताएको छ ।
छलफलमा विभिन्न शिक्षक संगठन, शिक्षाविद्, प्याव्सन, एनप्याव्सन, हिसान, सिटिइभिटी लगायत सरोकार निकायका प्रतिनिधि सहभागी छन् ।
यसअघि नै उपप्रधानमन्त्री ईश्वर पोखरेल नेतृत्वको कोभिड संकट व्यवस्थापन केन्द्र (सिसिएमसी) र स्वास्थ्य तथा जनसंख्या मन्त्रालयले संक्रमण बढी भएका स्थानका विद्यालय तथा क्याम्पस कम्तिमा ३ सातासम्म बन्द गर्न सरकारलाई सुझाब दिइसकेको छ ।
प्रतिक्रिया