सुर्खेत । नेकपा एमालेको ‘ह्विप’ उल्लंघन गर्दै कर्णाली प्रदेशका मुख्यमन्त्री महेन्द्र बहादुर शाहीको पद जोगाईदिएका एमालेका तीन नेताहरुलाई शाहीले प्रदेश सरकारको मन्त्री पदमा नियुक्त गरेका छन् ।
संसदबाट विश्वासको मत लिएको भोलिपल्ट शनिबार प्रदेशको मन्त्रिपरिषद् विस्तार गर्दै माओवादी केन्द्रबाट मुख्यमन्त्री बनेका शाहीले ‘फ्लोर–क्रस’ गर्ने एमालेका नन्दसिंह बुढा, अमरबहादुर थापा र कुर्मराज शाहीलाई मन्त्री पदमा नियुक्त गरेका हुन् । बुढालाई भूमि व्यवस्था, कृषि तथा सहकारी, थापालाई भौतिक पूर्वाधार विकास र शाहीलाई उद्योग, पर्यटन, वन तथा वातवरणमन्त्रीमा नियुक्ति गरिएको छ ।
उता एमाले प्रदेश कमिटीले शनिबारै उनीहरूलाई पार्टीबाट निष्कासन गरेको छ भने प्रकाश ज्वालालाई कारबाहीका लागि पार्टीको केन्द्रमा सिफारिस गरेको छ।
कर्णाली प्रदेशमा नेपाली कांग्रेस पनि सरकारमा सहभागी हुने र कांग्रेसबाट मन्त्री नियुक्त गरेपछि आईतबार साँझ सम्म संयुक्तरुपमा सपथ गराउने तयारी रहेको मुख्यमन्त्री उच्च स्रोतले दाबी गरेको छ ।
प्रतिक्रिया