काठमाडौं । नेपाली कांग्रेसका नेता प्रकाशमान सिंहले सरकारले हठात संसद अधिवेशन स्थगित गरेर संसदको मानमर्दन गरेको आरोप लगाएका छन् ।
नेपाल प्रेस युनियन काठमाडौं शाखाले सोमबार काठमाडौंमा आयोजन गरेको नवनिर्वाचित पत्रकार महासंघका पदाधिकारी सम्मान कार्यक्रममा बोल्दै नेता सिंहले सरकारले संसदको फेस गर्न नसकेर कायरता प्रर्दशन गरेको बताए ।
सिंहले सरकारबाट पटपटक संसदमाथि हमला भएको जिकिर गर्दै फेरि एकपटक संसदीय व्यवस्थामाथि प्रहार गरेको बताए । ओली सरकारको यो भन्दा अलोकतान्त्रिक चरित्र अर्को नहुने उनले बताए ।
नेता सिंहले ओली सरकारले प्रेस स्वतन्त्रतामाथि अंकुश लगाउन षड्यन्त्र गरिरहेको आरोप समेत लगाए । उनले सबै मिलेर त्यसको प्रतिवाद गर्नुपर्ने बताए ।
सिंहले नवनिर्वाचित पदाधिकारीलाई बधाई तथा सफल कार्यकालको शुभकामना व्यक्त गरे । उनले पत्रकारहरुलार्य निस्पक्ष ढंगले कलम चलाएर देश र जनताको पक्षमा लेख्न, कसैको धाक धम्कीबाट नडराउन सुझाव दिए ।
प्रतिक्रिया