नेपालगन्ज । बाँकेमा पछिल्लो २४ घण्टामा २ वटा पीसीआर ल्यावको रिपोर्टमा २३५ जनामा कोरोना संक्रमण पुष्टि भएको छ । भेरी अस्पतालको पीसीआर ल्याव र बागेश्वरी डाईग्नोशिस केन्द्रको रिपोर्टमा २३५ जनामा कोरोना संक्रमण पुष्टि भएको हो ।
भेरी अस्पतालको ल्याबमा मङ्गलबार बेलुकासम्म भएको नमुना परीक्षण अनुसार १९३ जनाको परीक्षण गर्दा १७९ जनामा कोरोना पोजेटिभ पाइएकोछ भने बागेश्वरी डाईग्नोशिस केन्द्रमा ८५ जनाको स्वाव परीक्षण गर्दा ५६ जनामा कोरोना संक्रमण पुष्टि भएको हो ।
नेपालगन्ज मेडिकल कलेजको पीसीआर ल्यावको रिपोर्ट भने आन बाँकी रहेको जनाईएको छ ।
जिल्लामा कोरोना संक्रमण र संक्रमणका कारण मृत्युको दर पनि बढेपछि जिल्ला कोभिड १९ संकट ब्यवस्थापन केन्द्रले ९ गतेबाट ७ दिनका लागि बाँके जिल्लामा लकडाउन गर्ने निर्णय गरेको छ । कोरोनाको दोस्रो लहर सुरु भएपछि बाँकेबाटै लकडाउन हुने अवस्था देखिएको हो ।
प्रतिक्रिया