बाँकेमा थपिए १६२ कोरोना संक्रमित, १ जनाको मृत्यु

नेपालगन्ज । बाँकेमा २४७ जनाको कोरोना परिक्षण गर्दा १६२ जनामा संक्रमण पुष्टि भएको छ । जिल्लाका २ वटा प्रयोगशालामा गरिएको पीसीआर परिक्षणमा १६२ जनामा कोरोना पुष्टि भएको हो ।

सोही अवधिमा बाँकेमा ४६ जना कोरोना मुक्त भएका छन् भने १ जनाको मृत्यु भएको छ । आज पुष्टि भएका संक्रमित मध्य ९७ जना बाँकेका स्थानीय र बाँकी जिल्ला बाहिरका रहेको स्वास्थ्य कार्यालय बाँकेले जनाएको छ ।

बाँकेमा आजै कोहलपुरकी ७० वर्षिया महिलाको कोरोना संक्रमणबाट मृत्यु भएको थियो ।