नेपालगन्ज । बाँके कोरोना संक्रमणको दोस्रो लहर सुरु भएपछिको पहिलो पटक संक्रमित पुष्टि हुनको संख्या शुन्यमा झरेको छ । पछिल्लो २४ घण्टामा बाँकेमा संक्रमण पुष्टि हुनेको संख्या शुन्यमा झरेको हो ।
बाँकेका २ वटा प्रयोगशालामा भएको ६५ नमुना परीक्षणमा बाँकेको कसैलाई पनि संक्रमण पुष्टि भएन । जिल्ला बाहिरका भने ४ जनामा संक्रमण पुष्टि भएको छ । सोही अवधिमा बाँकेबाट मुत्युको संख्या पनि शुन्य रहेको छ भने बाहिरी जिल्लाका २ जनाको कोरोना संक्रमणबाट मृत्यु भएको छ ।
आज बाँकेमा ५ जना कोरोना मुक्त भएपछि जिल्लामा सक्रिय संक्रमितको संख्या ४७ बाँकी रहेको छ भने बाँकेमा बाहिरी जिल्लाका ३० सक्रिय संक्रमितको उपचार भईरहेको छ । जिल्लाका अस्पतालहरुमा ४ जना मेन्टिलेटरमा, १५ जनाको अवस्था सिकिस्त र २० जनाको अवस्था मध्यम रहेको डसिीएमसी बाँकेले जनाएको छ ।
प्रतिक्रिया