काठमाडौं । नेकपा एमालेको विवाद उत्कर्षमा पुगेकै बेलामा अध्यक्ष केपी शर्मा ओली र वरिष्ठ नेता नेपालबीच २४ घण्टा नवित्दै दोस्रो वार्ता सुरु भएको छ ।
काठमाडौंको नागपोखरीस्थित होटल मेरियटमा ओली र नेपालबीच आज पुनः वार्ता भएको हो ।
यो वार्तासँगै दुवै नेताबीच लामो समयदेखिको सम्वाद्हीनता तोडिएको छ । यद्यपी, दुवै नेता आआफ्नै अडानमा रहेका छन् ।
नेकपा एमालेलाई सर्वोच्च अदालतले ब्यूँताइदिएपछि अध्यक्ष ओलीले नवौं महाधिवेशनको विधान विपरित एकपक्षीय रुपमा स्वेच्छाचारी गतिविधि गरिरहेको नेपाल पक्षले आरोप लगाउँदै आएको छ ।
तर, ओलीले पार्टीमा बसेर समानान्तर गतिविधि गरेर पार्टी ध्वंस गर्न लागेको आरोप लगाउँदै आएका छन् । ओलीले विगतमा नेकपामा आफुलाई साधारण सदस्यताबाट समेत निस्काशन गरेको प्रसंग बारम्बार उप्काउँदै नेपाल पक्षलाई सहजै गतिविधि गर्न नदिने चेतावनी दिइरहेका छन् ।
प्रतिक्रिया