धरहरा हेर्दै सुरु भएको ओली-नेपाल मेरियट वार्ता सकियो

काठमाडौं । नेकपा एमालेका अध्यक्ष केपी शर्मा ओली र वरिष्ठ नेता माधवकुमार नेपालबीचको भेटवार्ता सकिएको छ ।

काठमाडौंको पाँचतारे मेरियट होटलमा बिहीबार दिउँसो भएको भेटवार्तामा भएको कुराकानी बारे सार्वजनिक भएको छ ।

पार्टी फुटको अवस्थामा पुगेको बेलामा अध्यक्ष ओली र नेता नेपालबीच बुधरबार साँझ पनि मेरियटमै वार्ता भएको थियो । बिहीबार वार्ता हुनुअघि दुवै नेताले सँगसँगै मेरियटको झ्यालबाट नवनिर्मित धरहरा हेर्दै गरेको फोटो सार्वजनिक गरिएको थियो ।

बुधबार र बिहीबार भएको वार्ताले दुई नेताबीच लामो समयसम्म रहेको संवादहीनताको अवस्थालाई भने तोडेको छ । यद्यपी, बिहीबार बिहान अध्यक्ष ओलीले गरेको नेपाल लक्षित भाषण र नेता नेपालसहित १५ जना नेताले ओलीमाथि गरेको टिप्पणी हेर्दा भने एमाले विवाद सहजै सुल्झिने संभावना देखिँदैन ।