काठमाडौं । प्रधानमन्त्री एवं नेकपा एमालेका अध्यक्ष केपी शर्मा ओली र वरिष्ठ नेता माधवकुमार नेपालबीचको वार्ता निस्कर्षविहीन भएको छ ।
काठमाडौंको होटल म्यारियटमा बिहीबार वार्ता भएपनि दुवै नेता आआफ्नै अडानमा रहेका हुन् । वार्तामा कुनै प्रगति नभएको नेता नेपालले बताए ।
हिजोको छलफलमा केही आश लागेपनि आज त्यो अवस्था नरहेको नेपालले बताएका छन् । नेपालले अब वार्ता कहिले हुन्छ भन्नेबारे पनि कुनै टुंगो नभएको बताए ।
पार्टी फुटको अवस्थामा पुगेको बेलामा लामो समयपछि दुई नेताबीच भएको वार्तालाई सकारात्मक मानिएको थियो । सम्वादहीनता तोडे पनि दुवै पक्षको अआफ्नै अडानमा रहेको देखिएको छ ।
नेता नेपाल पक्षले अध्यक्ष ओलीले नवौं महाधिवेशनले पारित गरेको विधानलाई कुल्चिँदै स्वेच्छाचारी निर्णय गरेको आरोप लगाउँदै आएको छ । ओली पक्षले भने नेपालहरुद्वारा पार्टी अनुशासन उल्लंघन गर्दै समानान्तर गतिविधि गरिरहेको आरोप लगाउँदै उनीहरुलाई कारवाहीका लागि स्पष्टीकरण नै सोधेको छ ।
प्रतिक्रिया