काठमाडौं । नेपालमा जारी त्रिकोणात्मक टी-२० सिरिजको उपाधिका अहिले नेपाल र नेदरल्याण्डसले प्रतिस्पर्धा गर्दैछन् ।
त्रिवि अन्तर्राष्ट्रिय क्रिकेट मैदानमा नेदरल्याण्डसले टस जितेर नेपाललाई पहिले ब्याटिङको निम्तो दिएको छ । नेपालले केही बेरमा नेदरल्याण्डसविरुद्ध ब्याटिङ थाल्नेछ । नेपालले आजको खेलमा शाहव आलमको स्थानमा कमल सिंह ऐरीलाई बोलाएको छ ।
आजको खेलमा जित निकाल्दै नेपाल वर्षको सुखद सुरुवात गर्ने योजनामा छ । नेपालले लामो समयपछि उपाधि जित्ने योजनामा छ । घरेलु मैदान भएका कारण नेपाललाई आजको खेलमा जित निकाल्ने अवसर छ ।
नेपालले सिरिजको पहिलो खेलमा नेदरल्यान्ड्सलाई ९ विकेटले पराजित गरेको थियो । नेदरल्यान्ड्सले नेपाललाई दोस्रो खेलमा पराजित गरेको थियो । नेपालले हालसम्म नेदरल्याण्डससँग १० टी-ट्वान्टी खेल खेलेको छ । जसमा ८ टी-ट्वान्टी अन्तराष्ट्रिय रहेको छ भने २ टी-ट्वान्टी खेल हो ।
नेपालले ३ टी-ट्वान्टी अन्तराष्ट्रिय खेलमा जित हात पारेको छ भने नेदरल्यान्ड्सले २ टी-ट्वान्टी र ४ टी-ट्वान्टी अन्तराष्ट्रियमा जित निकालेको छ । एक खेल नतिजाविहीन भएको थियो ।
प्रतिक्रिया