सरकारी निर्णय विपरित विद्यालय खोल्ने गर्ने ११ संचालक पक्राउ

काठमाडौं । सरकारको निर्णय अवज्ञा गरेर विद्यालय संचालन गर्ने सप्तरीका निजी विद्यालयसंचालकलाई प्रहरीले पक्राउ गरेको छ ।

११ वटा विद्यालयका संचालकलाई सोमबार बिहान प्रहरीले नियन्त्रणमा लिएको हो । सरकारले आइतबार मात्रै सीसीएमसी बैठकले देशभरका विद्यालय बन्द गर्ने निर्णय गरेको थियो । तर सरकारी निर्देशन अवज्ञा गर्दै विद्यालय खोले पछि प्रहरीले कारवाही गरेको हो । कोरोना भाइरसको संक्रमण अनियन्त्रित बन्दै गएपछि देशभरका विद्यालय बन्द गर्ने निर्णय भएको थियो ।

राजविराज नगरपालिकामा खुलेका विद्यालयका संचालकलाई प्रमुख जिल्ला अधिकारी, सजल्ला सुरक्षा अधिकारी र नगरापालिकाका प्रमुखको टोलीले नियन्त्रणमा लिएको हो । उनीहरु विरुद्ध कस्तो कारवाही गर्ने भन्ने विषयमा छलफल भैरहेको जिल्ला प्रशासन कार्यालय सप्तरीले जनाएको छ ।