नेपालगन्ज । भेरी अस्पताललाई १० जना मेडिकल अफिसर सहित ८० जना जनशक्ति भर्ना गर्न स्वास्थ्य तथा जनसंख्या मन्त्रालयले स्विकृती प्रदान गरेसँगै अस्पताल प्रशासनले बिभिन्न पदमा ६० जनशक्तिकालागि आजै दरखास्त आह्वान गरेको छ ।
अस्पतालले आज एक सुचना प्रकाशित गर्दै ३ जना एनेस्थेलियोलोजिस्ट, १० जना मेडिकल अधिकृत, ३ जना नर्सिङ अधिकृत, ५ जना ल्याव टेक्निसियन, ४० जना स्टाफ नर्शका लागि दरखास्त आह्वान गरेको हो । अस्पतालले प्रकाशन गरेको सुचनामा स्वास्थ्य मन्त्रालयबाट प्राप्तहुने रकमबाट भुक्तानी हुने गरि असार मसान्त सम्मकालागि करार सेवामा काम गर्न चाहनेहरुका लागि दरखास्त आह्वान गरिएको उल्लेख गरिएको छ ।
मन्त्रालयले आजै मात्र अस्पताललाई १० जना मेडिकल अफिसर, ४० स्टाफ नर्श सहित ८० जना जनशक्ति परिपुर्ति गरि कोभिड वार्डलाई जनशक्ति आपुर्ति गर्न स्विकृती प्रदान गरेको थियो ।
प्रतिक्रिया