कोरोना संक्रमणबाट आरजेडीका पूर्व सांसद मोहम्मद शहाबुद्दीनको मृत्यु

खबर कुरा
१८ बैशाख २०७८, शनिबार

भारतमा राष्ट्रीय जनता दलका पूर्व सांसद मोहम्मद शहाबुद्दीनको कोरोना संक्रमणका कारण मृत्यु भएको छ ।

तिहाड जेलमा आजीवन काराबासको जेल सजाँय काट्दै आएका शाहबुद्दीनलाई कोरोना संक्रमण भएपछि दीनदयाल अस्पतालमा उपचार गरिँदै आएको थियो ।

गत बुधबार मात्रै दिल्ली हाइकोर्टले आम आदमी पार्टीको सरकार एवं जेल प्रशासनलाई शहाबुद्दीनको उपचार ठीक ढंगले गर्न निर्देशन दिएको थियो ।

आरजेडी नेता एवं विहार विधानसभामा प्रतिपक्षी दलका नेता तेजस्वी यादवले ट्वीट गर्दै शहाबुद्दीनको मृत्यप्रति शोक व्यक्त गरेका छन् ।

शहाबुद्दीन सन् २००४ मा दोहोरो हत्याकाण्डको अभियोगमा आजीवन जेल जीवन बिताइरहेका थिए । उनलाई यही अप्रिल २० तारिखमा कोरोना संक्रमण भएको थियो ।

दिल्लीस्थित तिहाड जेलमा २० हजार कैदी रहेका छन् । जसमध्ये २२७ जनालाई कोरोना संक्रमण भएको जेल प्रशासनले जनाएको छ ।

 

यसमा तपाइको मत

Your email address will not be published. Required fields are marked *


*