प्रधानमन्त्री ओलीले बोलाए निकट नेताहरुलाई बालुवाटार

खबर कुरा
२४ बैशाख २०७८, शुक्रबार
                 

काठमाडौं । प्रधानमन्त्री एवं नेकपा एमालेका अध्यक्ष केपी शर्मा ओलीले आफु निकट नेताहरुको बैठक बोलाएका छन् ।

पार्टीको कुनै औपचारिक बैठक नभएपनि अनौपचिारिक रुपमा नेताहरुलाई आफ्नै निवास बालुवाटार बोलाइएको एक नेताले बताए ।

प्रतिनिधिसभामा विश्वासको मत लिने दिन नजिकिँदै गएको र राष्ट्रियसभाको रिक्त पदमा आजै उम्मेदवारको टुंगो लगाउनुपर्ने भएका कारण ओलीले नेताहरुसँग छलफल गर्न लागेका हुन् । माधवकुमार नेपाल पक्ष विपक्षी दलहरुसँग मिलेर उम्मेदवार उठाएपछि ओली थप दबाबमा परेका छन् ।

दुई दिनअघि सम्म नेपाल पक्षलाई भित्तैमा पुर्याउने गरी कारवाही गर्दै हिँडेका ओलीले अन्तिम समयमा आएर नेपाल पक्षलाई फकाउन सबै उपाय गरिरहेका छन् । ओलीकै सुझावमा राष्ट्रपति विद्यादेवी भण्डारीले नेता नेपालसँग बिहीबार मध्यरातसम्म छलफल गरेकी छिन् । अर्कोतर्फ ओली निकट नेताहरु महासचिव इश्वर पोखरेल, सुवास नेम्वाङ र विष्णु पौडेलले नेपाल निकट नेताहरु घनश्याम भुसाल, योगेश भट्टराई, गोकर्ण विष्ट र सुरेन्द्र पाण्डेहरुलाई अलगअलग र सामुहिक रुपमा समेत छलफल गरिरहेका छन् ।

नेपाल पक्षले भने २०७२ जेठ २ गतेको अवस्थामा फर्किनुपर्ने अडान कायमै राखेको छ । ओली पक्षले चार नेतालाई गरिएको निस्काशन र सांसदहरुलाई सोधिएको स्पष्टीकरण फिर्ता लिन तयार हुँदै राष्ट्रिय सभा निर्वाचनमा एक भएर जान र प्रधानमन्त्रीलाई विश्वासको मत दिनुपर्ने माग गरेको छ ।

 

यसमा तपाइको मत

Your email address will not be published. Required fields are marked *


*