गृहमन्त्री थापाको विश्वास : ५१३० मतका साथ जित सुनिश्चित छ

हेटौंडा । राष्ट्रियसभा उपचुनावका लागि मनोनयन दर्ता गराएका गृहमन्त्री रामबहादुर थापाले आफ्नो जित सुनिश्चित भएको दाबी गरेका छन् ।

हेटौंडास्थित निर्वाचन कार्यालयमा उम्मेदवारी दर्ता गर्रापछि गृहमन्त्री थापालो बागमती प्रदेशमा आफ्नो पार्टीको ५ हजार १३० मत आफुलाई आउने दावी गरे । थापाले भने, ‘हाम्रो पार्टीको ५ हजार १३० मत छ, त्यसकारण यो मतले नै के स्पष्ट गरेको छ भने यो निर्वाचनमा मेरो विजय सुनिश्चित छ ।’

थापाले बिहीबार मात्रै स्थायी कमिटी बैठकमा उम्मेदवार बन्न हिच्किचाएका थिए । एमालेकै माधवकुमार नेपाल पक्षले माओवादी र कांग्रेसँग मिलेर उम्मेदवार उठाएपछि थापाले उम्मेदवार नबन्ने बताएका थिए । तर, शुक्रबार अध्यक्ष एवं प्रधानमन्त्री केपी शर्मा ओली लगायतका नेताहरुले जसरी पनि जित्ने विश्वास दिलाएपछि थापा उम्मेदवार बन्न राजी भएका हुन् । थापालाई नेपाल पक्षमा रहेका कम्तिमा २० जना प्रदेशसभा सांसदहरुको मत परेन भने चुनाव जित्न मुस्किल पर्छ ।

राष्ट्रियसभा निर्वाचनमा २०७४ मा माओवादी केन्द्रबाट विजयी बनेका थापा एमालेमा प्रवेश गरेपछि दल राजनीतिक दलसम्बन्धी ऐनअनुसार उनको पद खारेज भएको थियो । सोही पदमा जेठ ६ गते उपनिर्वाचन हुन लागेको हो ।