निषेधाज्ञाको १२ औ दिन पुग्दा बाँकेमा कोरोना संक्रमणको ग्राफ घटेन, आज थपिए ७३१ संक्रमित

नेपालगन्ज । बाँकेमा निषेधाज्ञा जारी गरेको १२ औ दिन पुग्दा पनि कोरोनाको ग्राफ घट्न सकेको छैन । जिल्लामा संक्रमण र मृत्युदर दुबै एउटै रफ्तारमा देखिएको छ । जिल्लामा पछिल्लो २४ घण्टामा १०१८ नमुना परीक्षण गर्दा ७३१ जनामा संक्रमण पुष्टि भएको छ ।

डीसीसीएमसी बाँकेका अनुसार भेरी अस्पतालको पीसीआर ल्यावमा ४८० वटा नमुना परीक्षण गर्दा ३४३ जनामा, नेपालगन्ज मेडिकल कलेजको ल्यावमा २०२ नमुना परीक्षण गर्दा २५८ जना र बागेश्वरी डाइग्नोशिस केन्द्रमा ३३६ नमुना परीक्षणमा २३० जनामा संक्रमण पुष्टि भएको छ । कुल ७३१ मध्य ५०४ जना बाँकेका र अन्य जिल्ला बाहिरका हुन् ।

बाँकेमा आज १०९ जना कोरोना मुक्त भएका छन् भने ११ जनाको मृत्यु भएको छ । मृत्यु हुनेमा बाँकेका ९ जना र जिल्ला बाहिरका २ जना छन् । आज प्राप्त मृत्युको तथ्यांकसँगै बाँकेका १६९ जना र जिल्ला बाहिरका १३० जना कोरोना संक्रमतिको बाँकेमा मृत्यु भईसकेको छ ।