प्रधानमन्त्रीका प्रेस सल्लाहकार र प्रमुख स्वकिय सचिवलाई कोरोना संक्रमण, प्रधानमन्त्री ओलीको रिपोर्ट ‘नेगेटिभ’

खबर कुरा
२५ बैशाख २०७८, शनिबार
                 

काठमाडौं । प्रधानमन्त्री केपी शर्मा ओलीका प्रेस सल्लाहकार सूर्य थापा र प्रमुख स्वकीय सचिव इन्द्रप्रसाद भण्डारीलाई दोस्रो पटक कोरोना सङ्क्रमण देखिएको छ । शुक्रबार गरिएको पीसीआर परीक्षणका क्रममा आफूसहित स्वकीय उपसचिव रुपेश आचार्यलाई पनि सङ्क्रमण देखिएको प्रधानमन्त्रीका प्रेस सल्लाहकार थापाले जनाएका छन् ।

उनीहरुलाई कोरोना संक्रमण भएको यो दोस्रो पटक हो । शुक्रबार प्रधानमन्त्री निवास, प्रधानमन्त्री निजी सचिवालय तथा सुरक्षा निकाय र चालक दलका सयभन्दा बढीको पीसीआर परीक्षण गरिएको थियो ।

परीक्षणका क्रममा प्रधानमन्त्री ओलीको रिपोर्ट भने नेगेटिभ आएको सरुवा रोग नियन्त्रण महाशाखाले जनाएको छ ।

यसमा तपाइको मत

Your email address will not be published. Required fields are marked *


*