काठमाडौं । नेकपा एमालेका वरिष्ठ नेता माधवकुमार नेपाल र अध्यक्ष केपी शर्मा ओली पक्षका नेताहरुबीचको छलफल सकिएको छ ।
सांसद पदबाट राजीनामा बुझाउने उद्देश्उसहित नेपाल पक्षीय नेताहरु सिंहदबारस्थित संसद सचिवालय परिसरमा भेला हुन थालेपछि ओली पक्षका नेताहरु विष्णु पौडेल र सुवास नेम्वाङले नेता नेपालसँग भेट गरेका थिए ।
भेटमा आफ्ना कुरा खुलस्तसँग राखेको नेपालले बताएका छन् । नेताद्वय पौडेल र नेम्वाङ पनि अध्यक्ष ओलीको चासोलाई राखेका थिए । दुवै पक्षबीच पार्टी एकता बचाउनुपर्नेमा सहमति रहेपनि पार्टी एकता बचाउने विधिबारे आआफ्ना अडानहरु यथावत रहेको छ ।
नेता नेम्वाङले भने, ‘पार्टी एकताका लागि हामी एकजुट छौं तर एकजुट कसरी राख्ने भन्ने विषयमा सहमति हुन सकेको छैन । अझै छलफल गर्छौं ।’ यस्तै आफुहरुको राजीनामाबारे विचार गर्ने वचन नेता नेपालले दिएको पौडेलले बताएका छन् ।
पौडेल र नेम्वाङसँग छलफल सकिएपछि नेता नेपाल आफु निकट सांसदहरुसँग छलफल सुरु गरेका छन् । सावंजनिक लेखा समितिको बैठक कक्षमा नेपाल समुहका प्रत्यक्ष र समानुपातिक सांसदहरू को छलफल सुरु भएको छ ।
प्रतिक्रिया