काठमाडौं । नेकपा एमाले माधवकुमार नेपाल-झलनाथ खनाल पक्षका सांसदहरुको बैठक सकिएको छ । सिंहदरबारस्थित संसद् सचिवालयमा भएको छलफल भर्खरै सकिएको हो ।
आज बसेको सो पक्षका सांसदहरुको बैठकले प्रधानमन्त्री केपी शर्मा ओलीलाई भोलि बिहान ९ बजेसम्म अल्टिमेटम दिने निर्णय गरेको छ ।
पार्टीलाई २०७५ जेठ २ मा फर्काउने प्रतिवद्धता व्यक्त गर्न वैशाख २७ गते विहान ९ बजेसम्मको अल्टिमेटम दिएका छन ।
सो पक्षले अल्टिमेटम पुरा गरे संसदमा विश्वासको मत दिने निर्णय पनि गरेको छ ।
बैठक पश्चात सञ्चारकर्मीसँग बोल्दै नेता योगेश भट्टराईले आफूहरुलाई किनारा लगाउने हिसाबले गए भोलि नै कठोर निर्णय गर्नसक्ने चेतावनी पनि दिए ।
प्रतिक्रिया