काठमाडौं । पूर्व प्रधानमन्त्री एवं जनता समाजवादी पाटी जसपाको संघीय परिषद् अध्यक्ष डा. बाबुराम भट्टराईले जसपाले एकतावद्ध भएर राष्ट्रिय भुमिका निभाउनुपर्ने बताएका छन् ।
सामाजिक सञ्जाल ट्वीटरमार्फत आफ्ना धारणा राख्दै डा. भट्टराईले वैकल्पिक शक्ति हुनुको नाताले जसपाले एकताबद्ध भएर राष्ट्रिय भूमिका निभाउनुपर्ने बताएका हुन् । भट्टराईले लोकतन्त्रको रक्षा गर्न र कोरोना लगायतका समस्या समाधान गर्न सबै संकीर्ण दलीय गुटीय सोचभन्दा माथि उठ्नुपर्ने धारणा राखेका छन् ।
जसपाकै एक अध्यक्ष महन्थ ठाकुरले मध्यरातमा प्रधानमन्त्रीमा केपी शर्मा ओलीलाई नै साथ दिने आशयले वक्तव्य जारी गरेपछि संघीय परिषद् अध्यक्ष भट्टराईको प्रतिक्रिया आएको छ । भट्टराईले बल दलहरुको कोर्टमा आएको उल्लेख गरेका छन् ।
भट्टराई र जसपाकै अर्का अध्यक्ष उपेन्द्र यादव प्रधानमन्त्री ओलीलाई सत्ताबाट विस्थापन गरेर नयाँ सरकार बनाउनुपर्ने धारणा राख्दै आएका छन् ।
भट्टराईले भनेका छन्, ‘अब बल दलहरूको कोर्टमा आएको छ।प्रश्न एक थान सरकारको मात्र हैनसमुख्य प्रश्न लोकतन्त्रको रक्षा गर्दै कोरोनालगायतका राष्ट्रिय समस्याहरूको हल गर्नु हो। त्यसनिम्ति सबै संकीर्ण दलीय/गुटीय सोचभन्दामाथि उठ्नैपर्छ।वैकल्पिक शक्ति हुनुको नाताले जसपाले एकताबद्ध भएर राष्ट्रिय भूमिका निभाउनैपर्छ’
अब बल दलहरूको कोर्टमा आएको छ।प्रश्न एक थान सरकारको मात्र हैन;मुख्य प्रश्न लोकतन्त्रको रक्षागर्दै कोरोनालगायतका राष्ट्रिय समस्याहरूको हल गर्नु हो।त्यसनिम्ति सबै संकीर्ण दलीय/गुटीय सोचभन्दामाथि उठ्नैपर्छ।वैकल्पिक शक्ति हुनुको नाताले जसपाले एकताबद्ध भएर राष्ट्रिय भूमिका निभाउनैपर्छ!
— Baburam Bhattarai (@brb1954) May 11, 2021
ओली सरकार विस्थापनबारे जसपाका पूर्व समुहबीच देखिएको विवाद सोमबार प्रतिनिधिसभामा प्रधानमनत्रीले विश्वासको मत लिने अवस्थामा प्रष्टै देखिएको थियो । डा. भट्टराई एवं अध्यक्ष निकट सांसदहरुले विश्वासको मतको विपक्षमा मतदान गरेका थिए भने महन्थ ठाकुर र राजेन्द्र महतो पक्षधर सांसदले तटस्थ बसेर प्रधानमन्त्री ओलीलाई सघाएका थिए ।
ओलीले ठाकुरसँग आफुलाई विश्वासको मत दिन नसक्ने अवस्थामा तटस्थ बसिदिन र नयाँ सरकार गठनमा समेत असहयोगी बन्न आग्रह गर्दैआएका थिए । ओलीकै आग्रह अनुसार ठाकुर तटस्थ मात्रै बसेनन् मध्यरातमा विज्ञप्ति जारी गरेर फेरि पनि ओली सरकार नै निरन्तरता रहोस भन्ने चाहना व्यक्त गरेका छन् ।
प्रतिक्रिया