जसपाको पदाधिकारी बैठक निष्कर्षविहीन

खबर कुरा
२९ बैशाख २०७८, बुधबार
                 

काठमाडौं । जनता समाजवादी पार्टी (जसपा)को पदाधिकारी बैठक विना निष्कर्ष टुंगिएको छ । वैकल्पिक सरकार गठनबारे छलफल गर्न ललितपुरको बालकुमारीस्थित पार्टी कार्यालयमा बुधबार बसेको जसपाको बैठक विना निष्कर्ष टुङ्गिएको हो ।

बैठकमा शीर्ष तहबाट वैकल्पिक सरकार गठनका विभिन्न विकल्पबारे छलफल भएको, तर फरकफरक धारणा आएकाले निष्कर्षमा पुग्न नसकेको एक नेताले जानकारी दिए ।

राष्ट्रपति विद्यादेवी भण्डारीले संविधानको धारा ७६ उपचारा २ बमोजिम नयाँ सरकार गठनका लागि दिएको समयसीमा भोली बेलुका ९ बजे सकिदैछ ।

दलहरुले राष्ट्रपति भण्डारीले दिएको समय सीमामा आफ्नो नयाँ सरकार गठनको दाबी पेश गर्न नसके सरकार गठनको अर्को विकल्प शुरु हुने संवैधानिक प्रावधान रहेको छ । ज

सपा र नेकपा एमालेको माधव नेपाल पक्ष नयाँ सरकार गठनका लागि निर्णयक शक्ति भएकाले उनीहरुलाई मनाउन नेपाली काँग्रेस र माओवादी केन्द्रका नेताहरु लागिपरेका छन् ।

जसपाले आफू तटस्थ बस्ने भने पनि नयाँ सरकार गठनमा नलाग्ने बताइसकेको छ । एमालेको माधव नेपाल पक्षले राजीनामा गरेर संसदमा बहुमत सदस्य संख्या घटाउन भूमिका खेल्ने भने पनि उनीहरुबीचमै विवाद भएको देखिन्छ ।

यसमा तपाइको मत

Your email address will not be published. Required fields are marked *


*