स्पेनिस ला लिगा : एट्लेटिको मड्रिड उपाधि नजिक

खबर कुरा
३० बैशाख २०७८, बिहीबार
                 

काठमाडौं । स्पेनिस ला लिगा अन्तर्गतको गएरातिको खेल जित्दै शीर्षस्थानमा रहेको एट्लेटिको मड्रिड उपाधि नजिक पुगेको छ ।

रियल सोसिडाडलाई हराउँदै एट्लेटिकोले स्पेनिस ला लिगाको उपाधि जित्ने सम्भावना बलियो बनाएको हो ।

घरेलु मैदान वान्डा मेट्रोपोलिटानोमा बुधबार राति सम्पन्न खेलमा एट्लेटिकोले रियल सोसिडाडलाई २-१ ले पराजित गरेको हो । जितसँगै अंक तालिकामा ४ अंकको अग्रतासहित उपाधि जित्ने सम्भावना बलियो बनाएको हो ।

खेलको १६ औं मिनेटमा यानिक करास्कोको गोलमा एट्लेटिकोले अग्रता बनाएको थियो । त्यस्तै २८ औं मिनेटमा लुइस स्वारेजको पासमा एञ्जेल कोरेराले गोल थप्दा पहिलो हाफमै एट्लेटिको दुई गोलले अघि रह्यो ।

उता सोडिडाडले दोस्रो हाफमा गोल फर्कायो । खेलको ८३ औं मिनेटमा इगोर जुबेल्डियाले गोलगर्दै सोसिडाडलाई खेलमा फर्काउन चाहेका थिए । तर त्यसपछि अर्को गोल थप्न नसक्दा सोसिडाडले अंक खोस्न सकेन ।

एट्लेटिकोको ३६ खेलबाट ८० अंक पुगेको छ । दोस्रो स्थानमा रहेको बार्सिलोनाको समान खेलबाट ७६ तथा तेस्रो स्थानमा रहेको रियल मड्रिडको ७५ तथा अंक छ । तेसो स्थानको रियलले एक खेल कम खेलेको छ । एट्लेटिकोले सन् २०१४ यता उपाधि जितेको छैन ।

यसमा तपाइको मत

Your email address will not be published. Required fields are marked *


*