१५ चैत्र २०८०, बिहिबार | March 28, 2024

बहुमतीय सरकार गठनको सम्भावना सकियो, केपी ओली पुनः प्रधानमन्त्रीमा नियुक्त हुँदै



काठमाडौं । नेकपा एमालेको माधवकुमार नेपाल समुहका सांसदहरुले दिने भनेको सामुहिक राजीनामा रोकिएपछि बुहमतको सरकार बन्ने सम्भावना सकिएको छ ।

राष्ट्रपति विद्यादेवी भण्डारीले यही वैशाख २७ गते प्रधानमन्त्री केपी शर्मा ओलीले संसदबाट विश्वासको मत गुमाएपछि आज राति ९ बजेसम्म बहुमतको सरकार गठनको समय दिएकी थिइन ।

नेपाली कांग्रेसका सभापति शेरबहादुर देउवाको नेतृत्वा नयाँ सरकार गठनको प्रयास भएपनि एमाले सांसदहरुको राजीनामा रोकिएपछि त्यो प्रयास असफल भएको हो ।

जनता समाजवादी पार्टी जसपाको महन्थ ठाकुर पक्षले नयाँ सरकार बनाउन असहयोग गर्ने घोषणा गरेपछि विपक्षी कांग्रेस र माओवादी केन्द्रलाई एमालेका सांसदहरुको थोरै आश बाँकी थियो ।

आजै दिउँसो कांग्रेस सभापति शेरबहादुर देउवा र माओवादी अध्यक्ष प्रचण्डबीचको छलफलमा पनि अब बहुमतको सरकार बनाउन नसकिने निस्कर्ष निस्किएको थियो ।

यसैबीच नेपाली कांग्रेसको आजै बसेको पदाधिकारी बैठकले पनि एमाले सांसदहरु विना नयाँ सरकार गठनको सम्भावना लगभग सकिएको निस्कर्ष निकालेको थियो ।

अब बहुमतको सरकार बन्न नसक्ने भएपछि आजै राति ९ बजेपछि राष्ट्रपति भण्डारीले कामचलाउ प्रधानमन्त्री केपी शर्मा ओलीलाई नै संसदमा ठूलो दलको हैसियतमा पुनः प्रधानमन्त्रीमा नियुक्त गर्ने पक्का भएको छ । ओली संविधानको धारा ७६ को उपधारा ३ अनुसार प्रधानमन्त्री हुनेछन् । ओलीले आजै राति सपथ ग्रहण गर्नेछन् ।

यसरी प्रधानमन्त्रीमा पुनः नियुक्ति पाएपछि ओलीले एक महिनाभित्र संसदबाट विश्वासको मत हासिल गर्नुपर्नेछ ।

प्रकाशित मिति : ३० बैशाख २०७८, बिहिबार  ६ : ३४ बजे

एमाले रुपन्देहीको दशौं अधिवेशन जेठ १६ र १७ गते, विभिन्न समितिहरु गठन गर्दै तयारी सुरु

बुटवल । नेकपा एमाले रुपन्देहीको दशौं अधिवेशन आगामी जेठ १६

लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु

बुटवल । प्रसुती सेवालाई बिस्तार गर्दै लगेको लुम्बिनी प्रादेशिक अस्पताल

नेपाली राष्ट्रिय क्रिकेट टिमको बिदाई

काठमाडौं । भारतमा हुने बरोडा र गुजरातसँगको फ्रेन्डसिप सिरिज तथा

रुपन्देही प्रहरीले हराएका १२ थान मोवाईल फेला पारी मोबाइल धनिलाई बुझायो

बुटवल । रुपन्देही प्रहरीले जिल्लाका बिभिन्न स्थानबाट मोबाइल हराएको भन्दै

स्वास्थ्यमन्त्री यादवलाई रास्वपाको २६ बुँदे सुझाव

काठमाडौं । राष्ट्रिय स्वतन्त्र पार्टी (रास्वपा) को स्वास्थ्य विभागले बिहीबार