प्रधानमन्त्री ओलीको सपथग्रहण दिउँसो २:३० बजे

खबर कुरा
३१ बैशाख २०७८, शुक्रबार
                 

काठमाडौं । प्रधानमन्त्री केपी शर्मा ओलीको सपथग्रहण आज दिउँसो साढे २ बजे हुनेभएको छ ।

संविधानको धारा ७६ को उपधारा ३ अनुसार संसदमा रहेको सबैभन्दा ठूलो दलको हैसियतमा बिहीबार राति नियुक्ति पाएका ओलीको पुनः सपथग्रहण हुन लागेको हो ।

प्रधानमन्त्रीका प्रेस सल्लाहकार सूर्य थापाले पद तथा गोपनीयताको सपथ ग्रहण आज दिउँसो २ः३० बजे हुन लागेको जानकारी गराएका छन् ।

यही बैशाख २७ गते प्रतिनिधिसभामा विश्वासको मत गुमाएपछि ओली पदमुक्त भएका थिए । त्यसलगत्तै राष्ट्रपति विद्यादेवी भण्डारीले संविधानको धारा ७६ को उपधारा २ बमोजिमा दुई वा दुई भन्दा बढी दलको समर्थनमा सरकार बनाउन दिएको समयसीमा भित्र कुनै पनि दलले दाबी नगरेपछि पुनः ओलीलाई नै नियुक्त गरेकी थिइन ।

ओली यससँगै तेस्रो पटक प्रधानमन्त्री बनेका छन् ।

यसमा तपाइको मत

Your email address will not be published. Required fields are marked *


*