काठमाडौं । दोस्रो लहरको संक्रमणको ‘हटस्पट’ बनेको भारतमा पछिल्लो २४ घण्टामा संक्रमितको दैनिक वृद्धिमा केही कमी आएको छ ।
लगातार ४ लाख संक्रमित हुँदै आएकोमा भारतमा पछिल्लो २४ घण्टामा ३ लाख २६ हजार १२३ जना संक्रमित पुष्टि भएको छन ।
पछिल्लो वृद्धिसँगै भारतमा संक्रमितको संख्या २ करोड ४३ लाख ७२ हजार २४३ पुगेको छ । यो समाचार तयार पार्दासम्म भारतमा २ करोड ४ लाख २६ हजार ३२३ जना संक्रमणमुक्त भएका छन् । अब भारतमा सक्रिय संक्रमितको संख्या ३६ लाख ७९ हजार ६९१ छ ।
यस्तै पछिल्लो २४ घण्टामा ३८ सय ७९ जना संक्रमितको मृत्यु भएको छ । दोस्रो लहरको संक्रमण बढ्दै जाँदा भारतमा मृतकको संख्या तीन हजार माथि पुग्दै गएको छ । पछिल्लो विवरणसँगै भारतमा मृतकको संख्या २ लाख ६६ हजार २२९ पुगेको छ ।
प्रतिक्रिया