काठमाडौं । जनता समाजवादी पार्टी (जसपा)ले केन्द्रीय कार्यकारिणी समिति बैठक बोलाएको छ ।
जसपाको कार्यकारिणी समितिमा बहुमत रहेको दाबी गर्दै आएको बाबुराम भट्टराई र उपेन्द्र यादव पक्षले आफु बैठक बोलाएको हो ।
भक्तपुरमा डोलेश्वर रिसोर्टमा पुगेर एमाले नेताको उपस्थितिमा महन्थ ठाकुर निकट सांसदहरुले संसदीय दलको नेतामा राजेन्द्र महतोलाई चयन गरेपछि पार्टीभित्रको विकसित पछिल्लो घटनाक्रमबारे छलफल गर्न बैठक बोलाएको हो । पार्टीका केही नेताहरुले विधान विपरित गतिविधि गरेकोबारे छलफल गर्ने एक नेताले बताए ।
बैठकबारे आफूहरूलाई जानकारी नभएको ठाकुर(महतो पक्षले जनाएको छ ।
एक जना संघीय परिषद् अध्यक्ष, दुई जना अध्यक्ष रहेको जसपा कार्यकारिणी समितिमा ५१ जना रहेका छन् । जसमध्ये बहुमत सदस्य रहेको यादव भट्टराई पक्षले दाबी गरेको छ ।
प्रतिक्रिया