लमजुङमा एक कोरोना सङ्क्रमित महिलाको मृत्यु

लमजुङ । लमजुङमा कोरोना संक्रमणबाट एक महिलाको मृत्यु भएको छ ।

जिल्ला अस्पताल लमजुङमा उपचाररत दोर्दी गाउँपालिका-८ की ४६ वर्षीया महिलाको उपचारको क्रममा मृत्यु भएको हो ।

बिहीबार अस्पताल भर्ना भएकी महिलाको उपचारकाे क्रममा शनिबार साँझ साँढे ६ बजे मृत्यु भएको जिल्ला अस्पताल लमजुङका प्रशासन प्रमुख हेमन्त श्रेष्ठले बताए ।

उनी लामो समयदेखि स्तन क्यान्सरबाट पिडित थिइन । उनले स्तन क्यान्सरको उपचार गराउँदै आएकी थिइन । क्यान्सरको फोर्थ स्टेजमा पुगेकीलाई कोरोना पोजेटिभ देखिएपछि अस्पतालको आइसोलेशनमा भर्ना गरेर उपचार गराइरहेको प्रमुख श्रेष्ठले बताए ।

कोरोनाको दोस्रो लहर चलेपछि लमजुङमा यसअघि २ जनाको मृत्यु भइसकेको स्वास्थ्य कार्यालयले जनाएको छ ।

योसंगै लमजुङमा कोरोनाबाट मृत्यु हुनेको संख्या ३ पुगेको छ ।