बन्यो एमाले मिलाउने कार्यदल, ओली र नेपाल पक्षका ५/५ जना नेता कार्यदलका सदस्य

खबर कुरा
२ जेष्ठ २०७८, आईतवार
                 

काठमाडौं । नेकपा एमालेलाई २०७५ जेठ २ मा फर्काउनुपर्ने नेपाल खनाल पक्षको मागलाई सम्बोधन गर्न कार्यदल बनेको छ ।

अध्यक्ष एवं प्रधानमन्त्री केपी शर्मा ओली र वरिष्ठ नेता माधवकुमार नेपालबीच सिंहदरबारमा आइतबार दिउँसो भएको छलफलबाट कार्यदलको टुंगो लागेको हो ।

कार्यदलमा ओली पक्ष र नेपाल पक्षबाट ५/५ जना सदस्य रहेका छन् । ओली पक्षबाट सुवास नेम्वाङ, प्रदीप ज्ञवाली, शंकर पोखरेल र विष्णु रिमाल रहेका छन् । ओली पक्षको नेतृत्व नेम्वाङले गर्नेछन् । यस्तै, नेपाल पक्षबाट भीम रावलको नेतृत्वा घनश्याम भुसाल, गोकर्ण विष्ट, सुरेन्द्र पाण्डे र रघुजी पन्त रहेका छन् ।

अध्यक्ष ओलीसँगको छलफलपछि संचारकर्मीसँग कुरा गर्दै नेता नेपालले जेठ २ को अवस्थामा फर्किने गरी थप विषयमा समेत टुंगो लगाउन कार्यदल बनेको जनाए । उनले भने, सबै कुरा टुंगो लगाउनका लागि वार्ता टोली बनाइएको छ । मैले तीन दिन भनेको छु, अलि समय बढाउँ भन्ने भएको छ ।’

आफुहरुले भने अनुसार नभए सांसद पदबाट सामुहिक राजीनामा दिने बार्गेनिङ गर्दै आएको नेपाल समुहलाई फकाउन अध्यक्ष ओली सहमत भएपछि गत बिहीबार दुई नेताबीच व्यापारी रामेश्वर थापाको निवासमा छलफल भएको थियो । त्यसपछि नेपाल पक्षका सांसदहरुको राजीनामाको विषय सेलाएको थियो । शुक्रबार सिंहदरबारमा ओली र नेपालपक्षका नेताहरुबीच थप छलफल भएको थियो ।

यसमा तपाइको मत

Your email address will not be published. Required fields are marked *


*