बुटवल । बुटवलस्थित कोरोना विशेष अस्पतालमा उपचाररत २ जना संक्रमितको मृत्यु भएको छ । संक्रमणबाट सैनामैनाका पुरुष र सिद्धार्थनगरकी महिलाको मृत्यु भएको हो ।
बैशाख ३१ गते पिसिआर पोजेटिभ देखिएको सैनामैना नगरपालिका १ का ३८ वर्षीय पुरुष हिजो कोरोना विशेष अस्पतालमा भर्ना भएका थिए ।
उनको आज बिहान ६:३० बजे मृत्यु भएको लुम्बिनी प्रादेशिक अस्पतालका फोकल पर्सन डाक्टर बिष्णु गौतमले जानकारी दिए ।
त्यस्तै सिद्धार्थनगर नगरपालिका १३ की ६५ वर्षीया महिला पनि आज बिहान ६:४५ बजे मृत्यु भएको गौतमले बताए । उनी बैशाख २० गते अस्पताल भर्ना भएकी थिइन ।
प्रतिक्रिया