यसवर्ष प्रिबजेट छलफल बिना बजेट ल्याउने सरकारको तयारी

खबर कुरा
३ जेष्ठ २०७८, सोमबार

काठमाडौं । संघीय संसदको बजेट अधिवेशन आह्वान गर्न ढिलाइ भए पछि यस वर्ष प्रिबजेट छलफल नगरि बजेट आउने सम्भावना बढेको छ । बजेट आउनु १५ दिन पूर्व प्रिबजेट छलफल गर्नुपर्ने प्रतिनिधिसभा नियमावलीमा ब्यवस्था भएपनि सरकारले बजेट अधिवेशन नबोलाएपछि प्रिबजेट छलफलको सम्भावना तरेको हो ।

सोमबार पनि मन्त्रिपरिषदले बजेट अधिवेशनको सिफारिस नगरेपछि प्रिबजेट छलफल नै नगरि बजेट ल्याउने तयारीमा सरकार रहेको बुझिएको छ ।

सोमबारको मन्त्रिपरिषदको बैठकले अधिवेशनबारे कुनै निर्णय नगरेको परराष्ट्र मन्त्री प्रदीप ज्ञवालीले जानकारी दिएका छन्। बैठकपछि सञ्चारकर्मीसँग कुरा गर्दै ज्ञवालीले अधिवेशन बोलाउने विषयको कुनै निर्णय नभएर नियमित नितिगत निर्णय मात्रै भएको बताए ।

जेठ १५ गते बजेट ल्याउनुपर्ने संवैधानिक व्यवस्था छ।

यसमा तपाइको मत

Your email address will not be published. Required fields are marked *


*