काठमाडौं । पूर्वप्रधानमन्त्री एवं जनता समाजवादी पार्टीका संघीय परिषद् अध्यक्ष बाबुराम भट्टराईले मुलुक संकटमा परेको बेलामा राष्ट्रिय एकताको कुरा गर्नु कुनै अपराध नभएको स्पष्ट पारेका छन् ।
डा. भट्टराईले प्रधानमन्त्री केपी शर्मा ओलीलाई बालुवाटार पुगरे भेट गरेको विषयमा व्यापक टिकाटिप्पणी भएपछि भट्टराईले दोस्रोपटक आफ्नो धारणा राखेका हुन् ।
भट्टराईले मंगलबार ट्वीट गर्दै संविधानका स्तम्भ एक एक गरी ढल्न लागेको अवस्थामा राष्ट्रिय एकताको कुरा गर्नु कुनै अपराध हुन्छ र भन्दै प्रश्न गरेका छन् ।
‘एकातिर कोरोना महामारी, अर्कोतिर अन्त्यहीन राजनीतिक गतिरोध’, भट्टराईले लेखेका छन्, ‘न ओली सरकारले नीति/कार्यक्रम र बजेट पास गर्न सक्छ; न बैकल्पिक सरकार बन्न ! संविधानका स्तम्भ एकएक गरी ढल्दैछन् ! सबै पार्टीरनेता निरीह ! सर्पको मुखका भ्यागुता ! अनि राष्ट्रिय एकताको कुरा गर्नु अपराध हुन्छ ?’
देश गम्भीर संकटमा फस्दैछ।एकातिर कोरोना महामारी,अर्कोतिर अन्त्यहीन राजनीतिक गतिरोध! न ओली सरकारले नीति/कार्यक्रम र बजेट पास गर्न सक्छ; न बैकल्पिक सरकार बन्न!संविधानका स्तम्भ एकएक गरी ढल्दैछन्!सबै पार्टी/नेता निरीह!सर्पको मुखका भ्यागुता! अनि राष्ट्रिय एकताको कुरा गर्नु अपराध हुन्छ?
— Baburam Bhattarai (@brb1954) May 18, 2021
भट्टराईले यसअघि व्यक्ति केपी ओलीलाई भेट नगरेको तर प्रधानमन्त्री केपी ओलीलाई भेट गरी राष्ट्रिय सहमतिको कुरा गरेको प्रष्टिकरण दिएका थिए । तर, ओलीले आफ्नो प्रस्ताव नमानेपछि आफुले त्यसबारे केही नबताएको उनको भनाइ थियो ।
प्रतिक्रिया