काठमाडौं । प्रधानमन्त्री केपी शर्मा ओलीले विश्वासको मत नलिने भएकाछन् ।
मन्त्रिपरिषद्को आज बेसेको बैठकमा प्रधानमन्त्री ओलीले ३० दिनभित्र विश्वासको मत लिनुपर्ने प्रक्रियामा नगई सिधै संविधानको धारा ७६ को उपधारा ५ बमोजिमको सरकार बनाउने प्रयास गर्ने जनाकारी गराएका हुन् ।
ओलीले यसकालागि आफुले मार्गप्रशस्त गर्ने जनाएकाछन् । धारा ५ अन्तर्गतको सरकार बन्न सकेन भने ओली आफैले ६ महिनाभित्र नयाँ निर्वाचन घोषणा गर्न पाउँछन् ।
मन्त्रिपरिषद बैठकले जेठ ९ गते संसदको अधिवेशन आह्वान गर्ने निर्णय समेत गरेको छ । अधिवेशन आह्वान गर्न राष्ट्रपतिलाई सिफारिस गर्ने निर्णय भएको एकमन्त्रीले बताए । जेठ १५ गते सरकारले बजेट सार्वजनिक गर्नुपर्ने संवैधानिक बाध्यता रहेको छ ।
प्रतिक्रिया