काठमाडौं । नेपाली कांग्रेसले बोलाएको सर्वदलीय बैठक सुरु हुन लागेको छ ।
केही बेरमा सुरुहुने सर्वदलीय बैठकमा भाग लिन माओवादी केन्द्रका अध्यक्ष पुष्पकमल दाहाल प्रचण्ड र नेता नारायणकाजी श्रेष्ठ देउवा निवास बुढानिलकण्ठ पुगेका छन् ।
बैठकमा भाग लिन एमाले वरिष्ठ नेता माधवकुमार नेपाल पनि पुगेका छन् । यस्तै जनता समाजवादी पार्टी जसपाका अध्यक्ष उपेन्द्र यादव पनि बैठकमा भाग लिन बुढानिलकण्ठ पुग्दैछन् ।
बिहान बसेको कांग्रेस पदाधिकारी बैठकले राष्ट्रपति र प्रधानमन्त्री मिलेर गरेको असंवैधानिक एवं अलोकतान्त्रिक कामका विरुद्ध जस्तोसुकै उपाय अपनाएर भएपनि प्रतिवाद गर्ने निर्णय गरेको थियो । सबै विपक्षी दलहरुको एउटै रणनीति बनाउन कांग्रेसले सर्वदलीय बैठक बोलाएको हो ।
प्रतिक्रिया