जसपाको ठाकुर महतो पक्ष फेरि पनि तटस्थ बस्ने

काठमाडौं । जनता समाजवादी पार्टी (जसपा) को महन्थ ठाकुर पक्ष फेरि पनि तटस्थ बस्ने भएको छ ।

ठाकुर पक्षले प्रधानमन्त्री केपी शर्मा ओलीले आफ्नो मुद्दाहरु सम्बोधन गरिरहेको निस्कर्ष निकाल्दै उनको विपक्षमा जान नसक्ने बताएको छ।

आज बसेको ठाकुर-महतो पक्ष निकट सांसदहरुको बैठकले नयाँ सरकार गठनमा तटस्थ बस्ने निर्णय गरेको हो ।

बैठकमा ठाकुर-महतोले प्रधानमन्त्री ओलीसँग भएका सहमतिबारे जानकारी गराएका थिए । उनीहरुले प्रधानमन्त्री ओलीले आफुहरुले उठाएका माग पुरा गर्न सकारात्मक भएको जानकारी गराएका थिए ।