विश्वासको मत हासिल गर्ने अवस्था नभएकोले मार्ग प्रशस्त गरेँ : प्रधानमन्त्री ओली

खबर कुरा
७ जेष्ठ २०७८, शुक्रबार
                 

काठमाडौं । प्रधानमन्त्री केपी शर्मा ओलीले विश्वासको मत हासिल गर्ने अवस्था नरहेका कारण नयाँ सरकार गठनका लागि मार्ग प्रशस्त गरेको बताएका छन् ।

बालुवाटारमा आयोजित पत्रकार सम्मेलनमा प्रधानमन्त्री ओलीले विश्वासको मत नपाउने थाहा पाउँदा पाउँदै फेरि त्यही अवस्थामा पुग्नु अनुपयुक्त भएको बताएका हुन् ।

ओलीले विश्वासको मतको कर्मकाण्ड पुरा गरेर समय फाल्न आफुलाई उचित नलागेको बताए । उनले संसद छलेर सत्ता कब्जा गर्न नखोजेको स्पष्ट पारे ।

‘संसद छलेर सरकार कब्जा गर्न खोजिएको होइन,बजेटको चाप र विश्वासको मत नपाउने भएर हो’, ओलीले भने, ‘यो नगरेर विश्वासको मत लिएको भए विश्वासको मत प्राप्त हुँदैनथ्यो भन्ने प्रस्ट छ । फेरि जाने संविधानको धारा ७६ उपधारा ५ कै प्रक्रियामा हो ।’

यसमा तपाइको मत

Your email address will not be published. Required fields are marked *


*