कांग्रेस संसदीय दलको कार्यालयमा विपक्षी गठबन्धनको निर्णायक बैठक

खबर कुरा
७ जेष्ठ २०७८, शुक्रबार
                 

काठमाडौं । नयाँ सरकारको दाबी पेश गर्ने निर्णय गरेका विपक्षी दलका शीर्ष नेताहरुको बैठक सुरु भएको छ ।

सिंहदरबारस्थित कांग्रेस संसदीय दलको कार्यालयमा बैठक सुरु भएको हो । बैठकमा कांग्रेस सभापति शेरबहादुर देउवा, माओवादी अध्यक्ष पुष्पकमल दाहाल प्रचण्ड, जसपा अध्यक्ष उपेन्द्र यादव र बाबुराम भट्टराई र एमाले वरिष्ठ नेता नेपाल सहभागी भएका छन् ।

विपक्षी दलहरुले आआफ्ना सांसदहरुको हस्ताक्षर संकलन गरिसकेका छन् । शीर्ष नेताहरुको बैठकपछि वैकल्पिक सरकार दाबीका लागि राष्ट्रपति कार्यालय शितल निवास जाने तयारी दलहरुले गरेका छन् ।

राष्ट्रपति विद्यादेवी भण्डारीले हिजो संविधानको धारा ७६ को उपधारा ५ अनुसार सरकार बनाउन दलहरुलाई आज साँझ ५ बजेसम्मका लागि समय दिएकी थिइन ।

यसमा तपाइको मत

Your email address will not be published. Required fields are marked *


*