नाइजेरियाका सेना प्रमुखको विमान दुर्घटनामा मृत्यु

एजेन्सी । अफ्रिकी देश नाइजेरियाका सेना प्रमुखको विमान दुर्घटनामा मृत्यु भएको छ ।

देशकै कदुना राज्यमा औपचारिक भ्रमणका लागि गएका सेना प्रमुख लेफ्टिनेन्ट जनरल इब्राहिम अत्ताहिरुको शुक्रबार विमान दुर्घटनामा मृत्यु भएको समाचार संस्था रोयटर्सले जनाएको छ ।

नाइजेरियाका राष्ट्रपतिलाई उद्धृत गर्दै रोयटर्सले दिएको खबर अनुसार सेना प्रमुख इब्राहिम सवार कदुना विमानस्थलनजिकै दुर्घटना भएको हो । उनीसँगै गएका अन्य सैन्य अधिकारीहरुको पनि दुर्घटनामा मृत्यु भएको रोयटर्सले खबर दिएको छ ।

नाइजेरियाको वायु सेनाले वक्तव्य जारी गर्दै विमान दुर्घटनाको कारणबारे अनुसन्धान भइरहेको जानकारी दिएको छ ।