देउवाले राष्ट्रपतिलाई ‘तपाईं’ नभनेकोमा प्रधानमन्त्री ओलीको आपत्ति

खबर कुरा
८ जेष्ठ २०७८, शनिबार
                 

काठमाडौं । प्रधानमन्त्री केपी शर्मा ओलीले प्रमुख प्रतिपक्षी दलका नेताले राष्ट्रपतिलाई तपाईंसम्म भन्ने सभ्यता नदेखाएको टिप्पणी गरेका छन् ।

बालुवाटारमा शनिबार आयोजित एक कार्यक्रमलाई सम्बोधन गर्दै प्रधानमन्त्री ओलीले कांग्रेस सभापति देउवाले राष्ट्रपतिलाई ‘तिमी’ भनेर विज्ञप्ति निकालेको भन्दै आपत्ति जनाएका हुन् ।

ओलीले देउवासँग सभ्यता नभएको टिप्पणी गरे । ओलीले भने, ‘आज प्रमुख प्रतिपक्षी दलका नेता शेरबहादुर देउवाजीको औपचारिक वक्तव्य हेरेँ । राष्ट्रपतिलाई तपाईं भन्ने सभ्यता नेपाली कांग्रेसमा रहेन । सभापतिको तहबाट राष्ट्रपतिको सम्बन्धमा बोलिएको भाषामा तिमी, उनी, यसो गरिन् भन्ने बोलिएको छ ।’

यसमा तपाइको मत

Your email address will not be published.


*