भारत कोरोना : पछिल्लो २४ घण्टामा दुई लाख ४३ हजार संक्रमित थपिए

काठमाडौं । भारतमा दैनिक रुपमा उच्च संख्यामा बढिरहेको कोरोना संक्रमण पछिल्ला दिनमा बिस्तारै ओरालो लाग्न थालेको छ । पछिल्लो २४ घण्टाभित्र त्यहाँ २ लाख ४३ हजार ७७७ जना नयाँ संक्रमित थपिएका हुन ।

अघिल्लो दिन यो सख्या २ लाख ५४ हजारभन्दा बढी थियो । कुल संक्रमित संख्याका आधारमा दोस्रो स्थानमा रहेको भारतमा कोरोना संक्रमितको संख्या २ करोड ६५ लाख नाघेको छ ।

नयाँ संक्रमितको संख्या केही घटे पनि पछिल्लो केही दिनयता दैनिक मृतकको संख्या भने उच्च छ । भारतमा पछिल्लो २४ घण्टामा ३७ सय ८८ को मृत्यु भएको छ ।

योसँगै कोरोना संक्रमणकै कारण भारतमा मृत्यु हुनेको कुल संख्या दुई लाख ९९ हजार नाघेको छ । संक्रमितमध्ये २ करोड ३४ लाख भन्दा बढी निको भइसकेका छन् भने २८ लाखभन्दा बढी सक्रिय संक्रमित रहेका छन ।