बुटवल । रुपन्देहीमा लगातार कोरोनाको ग्राफ घट्ने क्रमले निरन्तरता पाएको छ । पछिल्लो २४ घण्टाको अवधिमा ६१० जनाको नमुना पीसीआर परीक्षण गर्दा २०४ जनामा संक्रमण पुष्टि भएको हो ।
स्वास्थ्य कार्यालय रुपन्देहीका अनुसार जिल्लामा आज सबैभन्दा धेरै बुटवल उपमहानगरपालिकामा ७२ जनामा संक्रमण पुष्टि भएको छ । यसैगरि तिलोत्तमा नगरपालिकामा ४८ जना, सिद्धार्थनगर नगरपालिकामा १९ जना, देवदह नगरपालिकामा १८ जना, कञ्चन गाउँपालिकामा १५ जना, सैनामैना नगरपालिकामा १३ जना र अन्य पालिकामा १० जना भन्दा कम संक्रमित थपिएका छन् ।
यो सँगै रुपन्देहीमा कोरोना संक्रमित हुनेको संख्या २५ हजार ३०१ पुगेको छ । जसमध्ये २० हजार ६४८ जना निको भएका छन । आज रुपन्देहीमा ४९४ जना कोरोनाबाट मुक्त भएका छन् ।
जिल्लामा हाल ४ हजार २४७ जना कोरोनाका संक्रिय संक्रमितहरु रहेका छन् । यस्तै पछिल्लो २४ घण्टामा थप १ संक्रमितको मृत्यु भएसँगै मृत्यु हुनेको संख्या ३९६ पुगेको छ ।
प्रतिक्रिया