भारतमा डिसेम्बरसम्म ६० करोड मानिसले कोरोनाविरुद्धको पूर्ण खोप लगाउने

खबर कुरा
१३ जेष्ठ २०७८, बिहीबार
                 

काठमाडौं । आगामी डिसेम्बरसम्म ६० करोड भारतीयलाई कोरोना विरुद्धको खोपको दुवै डोज लगाइसकिने दावी गरिएको छ ।

मेदान्त अस्पतालका अध्यक्ष डा नरेश त्रेहानले आगामी जुलाईदेखि अगस्टसम्ममा खोपको अभाव अन्त्य हुने दावीसमेत गरेका छन् । ‘भारतमा यस वर्षको डिसेम्बरसम्ममा ६० करोड मानिसलाई दोस्रो मात्राको खोपसमेत लगाइसकिने छ,’ उनको भनाइ छ, ‘खोपको उत्पादन र खोप लगाउने अभियान तीव्ररुपमा भइरहेको छ ।’

वरिष्ठ चिकित्सक त्रेहानले भारतलाई कोरोनाभाइरस विरुद्धको खोप उत्पादन गर्ने ‘हब’को संज्ञासमेत दिएका छन् ।

सामान्यतया हरेक व्यक्तिले छ महिनामा खोपको दुवै मात्रा लगाउन सक्ने र आठ हप्तामा खोपले पूर्णरुपमा काम गर्न थाल्ने पनि उनले बताए ।

झण्डै ६० करोड मानिसलाई खोपले पूर्णरुपमा काम गर्न थालेको अवस्थामा मानवीय क्षति पनि धेरै कम हुने, महामारी न्यून हुने डा त्रेहानको विश्वास छ ।

स्वास्थ्य तथा परिवार कल्याण मन्त्रालयका अनुसार हालसम्म भारतमा कुल २० करोड डोज खोप लगाइएको छ ।

भारतीय स्वास्थ्य अनुसन्धान परिषद्का अनुसार देशभर अहिलेसम्म २२ करोड १७ लाख नमुना परीक्षण गरिएको छ ।

यसमा तपाइको मत

Your email address will not be published.


*