काठमाडौ । सर्वोच्च अदलतले प्रतिनिधिसभा विघटनसँग सम्बन्धित १९ रिटलाई संवैधानिक इजलासमा पठाउने आदेश दिएको छ ।
प्रधानन्यायाधीश चोलेन्द्र शमशेर राणाको पूर्ण एकल इजलासले प्रतिनिधिसभा विघटनसँग सम्बन्धित सबैरिटलाई संवैधानिक इजलासमा पठाउने आदेश दिएको हो ।
बिहीबार प्रधानन्यायाधीश राणाको पूर्ण एकल इजलासको सुनुवाइ भएको थियो । सुनुवाइपछि सबै रिटलाई उनले संवैधानिक इजलासमा पठाउने निर्णय गरेका हुन् । संवैधानिक इजलास शुक्रबार बस्ने भएको छ ।यसअघि सर्वोच्चमा परेका ३० वटा रिट मध्ये ११ वटा रिटमा संवैधानिक इजलासमा सुनुवाइ मागिएको थियो ।
शेरदबहादुर देउवालाई प्रधानमन्त्रीको दाबीमा हस्ताक्षर गरेका विपक्षी पाँच दलका १४६ जना सांसदहरुले गत सोमबार सर्वोच्चमा प्रतिनिधिसभा पुनर्स्थापनाको माग र देउवालाई प्रधानमन्त्रीमा नियुक्तिका परमादेश माग गर्दै सामुहिक रिट दायर गरेका थिए ।
प्रतिक्रिया