सबैदललाई निर्वाचन गराउने सरकारमा सामेल हुन प्रधानमन्त्री ओलीको निम्तो

काठमाडौं । आफ्नै सिफारिसमा प्रतिनिधिसभा विघटन भएको करिब एक सातापछि राष्ट्रका नाममा सम्बोधन गर्दै प्रधानमन्त्री केपी शर्मा ओलीले निर्वाचनका लागि सबै दललाई सरकारमा सहभागी हुन आग्रह गरेका छन् ।

प्रधानमन्त्री ओलीले निर्वाचनमा जानुलाई प्रतिगमन भन्न नमिल्ने भन्दै ताजा जनादेशलाई अस्वीकार नगर्न आग्रह समेत गरेका छन् ।

उनले प्रतिनिधिसभा विघटनविरुद्ध दायर भएका रिटहरुमाथि संवैधानिक इजलासमा सुनुवाई सुरु भएकै दिन अदालतमा विचाराधीन विषयमाथि राज्य संयन्त्र प्रयोग गरी देशबासीका नाममा सम्बोधन गरेका हुन् ।

प्रधानमन्त्री ओलीले सम्बोधनमा आफूले परिणामलाई नभई लोकतान्त्रिक प्रणालीलाई ध्यानमा राखेर निर्वाचन घोषणा गरेको भन्दै सबै दललाई सरकारमा सहभागी हुन आग्रह गरेका हुन् ।