रुपन्देहीमा संक्रमित भन्दा निको हुनेको संख्या धेरै, २०९ थपिदा, ३७३ संक्रमण मुक्त

बुटवल । रुपन्देहीका पछिल्लो २४ घण्टामा ६२१ जनाको कोरोना परीक्षण गर्दा २०९ जनामा कोरोना संक्रमण पुष्टि भएको छ । सोही अवधीका रुपन्देहीमा ३७३ जना कोरोना मुक्त भएका छन् ।

स्वास्थ्य कार्यालय रुपन्देहीका अनुसार २४ घण्टाकै अवधीमा रुपन्देहीमा ८ जनाको मृत्यु भएको छ । योसँगै मृत्यु हुनेको संख्या ४१५ पुगेको छ ।
आज बुटवलमा ६६ जना संक्रमित थपिएका छन् ।

त्यसैगरि सैनामैना नगरपालिकामा ३८ जना, तिलोत्तमा नगरपालिकामा ३७ जना, सिद्धार्थनगर नगरपालिका र देवदह नगरपालिकामा १८/१८ जना, लुम्बिनी सांस्कृतिक नगरपालिकामा ११ जना र अन्य पालिकामा १० जना भन्दा कम संक्रमित थपिएका छन् ।

योसँगै रुपन्देहीमा कोरोना संक्रमित हुनेको संख्या २६ हजार १६५ पुगेको छ । जसमध्ये २२ हजार ३९२ जना निको भएका छन । हाल जिल्लामा ३ हजार ३५८ जना कोरोनाका संक्रिय संक्रमितहरु रहेका छन् ।