काठमाडौं । जनता समाजवादी पार्टीका संघीय परिषद् अध्यक्ष डा. बाबुराम भट्टराईले अर्थमन्त्री विष्णु पौडेलले प्रस्तुत गरेको बजेटलाई एमालेको घोषणापत्रको संज्ञा दिएका छन् । बजेटका बिषयमा आज भट्टराईले ट्वीट गर्दै बजेटमा परिवर्तनको छनक नपाइएको बताएका छन् ।
‘अर्थमन्त्री मार्फत वाचन गरिएको नहुने चुनावको एमाले घोषणापत्रमा कुनै संरचनात्मक परिवर्तनको छनक पाइएन,’ पूर्व प्रधानमन्त्री समेत रहेका भट्टराईले बजेटबारे प्रतिक्रिया दिँदै ट्विटरमा लेखेका छन्, ‘सिधासादा मतदातालाई ललीपप बाँडेको देखियो ।’
उनले बजेट सिर्जनात्मक नभएको र घिसिपिटेका नारा र कार्यक्रम समेटिएको जनाएका छन् । बजेटमा गोरखामा बजेट नपरेको विषयमा ब्यङ्ग गर्दै एमालेले चुनावमा गोरखाबाट उम्मेदवार नउठाउने सोँच बनाएको टिप्पणी गरेका छन् ।
अर्थमन्त्री मार्फत वाचन गरिएको नहुने चुनावको एमाले घोषणापत्रमा कुनै संरचनात्मक परिवर्तनको छनक पाइएन।सिधासादा मतदातालाई ललीपप बाॅडेको देखियो। पपुलिज्ममा पनि खासै सिर्जनात्मकता देखिएन।उनै घिसेपिटेका नारा र कार्यक्रम भेटियो।एउटै नयाॅ कुरा एमालेले गोरखामा कुनै उमेदवार नउठाउने बुझियो!
— Baburam Bhattarai (@brb1954) May 29, 2021
प्रतिक्रिया