काठमाडौं । बेलायती अखबारले नेपालमा कोरोनाको नयाँ भेरियन्ट भेटिएको रिपोर्ट प्रकाशित गरेपछि विश्व स्वास्थ्य संगठन (डब्लूएचओ) ले त्यसमा सत्यता नभएको बताएका छन् । डब्लुएचओले हालसम्म नेपालमा कोरोनाको कुनै नयाँ भेरियन्ट नभेटिएको स्पष्ट पारेको छ ।
डब्लुएचओ नेपाल कार्यालयले सामाजिक सञ्जालमार्फत नेपालमा सार्स-कोभ-२ को नयाँ भेरियन्ट फेला परेको भन्नेकुरामा विश्व स्वास्थ्य संगठनलाई अवगत नभएको जनाएको हो ।
बेलायती ट्याब्लोइड अखबार डेली मेलले नेपालमा नयाँ स्वरूपमा भाइरस भेटिएको उल्लेख गर्दै बेलायतबाट घुम्न जानेलाई चुनौती थपिएको ब्यानर रिपोर्ट प्रकाशित गरेको थियो ।
डेली मेलले बिहीबारको संस्करणमा ‘नेपाल भेरियन्ट थ्रेट टु आवर होलिडेज’ नामको व्यानर समाचार प्रकाशित गरेको थियो । डेल्ली मेलले नेपालबाट उत्पत्ती भएको भेरियन्टले यूरोपेली मुलुकलामा फैलिएको दाबी गर्दै बेलायतबाट यूरोप भ्रमणमा जानेहरुलाई चुनौती थपिएको जनाएको थियो ।
नेपालमा हालसम्म पुष्टि भएको कोरोनाको भेरियन्ट अल्फा र डेल्टा र कप्पा हो । बेलायती र भारतीय भेरियन्ट पछिल्लो केही महिनायता नेपालमा महामारीको रुपमा फैलिएको छ ।
हालै मात्र डब्लुएचओले देशको नाम जोडिएर भेरियन्टको नामको बदलामा ग्रिक अल्फावेट अनुसार भेरियन्टको नाम राख्न थालेको छ ।
प्रतिक्रिया