१६ चैत्र २०८०, शुक्रबार | March 29, 2024

असंवैधानिक अभिव्यक्ति दिँदै महतोले गरे उपप्रधानमन्त्रीको पद बहाली



काठमाडौं । ओली सरकारको उपप्रधानमन्त्रीको पद बहालीसँगै जसपाबाट कारवाहीमा परेका नेता राजेन्द्र महतोले असंवैधानिक अभिव्यक्ति दिएका छन् । उपप्रधानमन्त्रीको सपथ खाएर पदबहाली गरे लगत्तै उनको पहिलो अभिव्यक्तिले संविधानको मर्ममाथि प्रहार गरेको छ । महतोले आफु सरकारमा सहभागी हुनुको मुख्य उद्देश्य नै देशलाई बहुल राष्ट्रिय राज्यका रुपमा लैजानलाई राष्ट्रिय मुक्ति आन्दोलनको तयारी गर्नु रहेको बताएका छन् । संविधानले अस्विकार गरेको बहुल राष्ट्रिय राज्यको बिषय उठाएर महतोले असंवैधानिक अभिब्यक्ति दिएका हुन् ।

पद बहाली लगत्तै उनले भनेका छन्, ‘हाम्रासामु दुईवटा कार्यभार छन् । एजेन्डालाई सम्बोधन गर्ने एउटा कार्यभार छ भने भविष्यको कार्यभार भनेको यो देशलाई बहुल राष्ट्रिय राज्यका रुपमा लैजानलाई राष्ट्रिय मुक्ति आन्दोलनको तयारी गर्नु हो ।’ संविधान निर्माणका बेला पनि मधेश केन्द्रीत दलहरुले यो मुद्दा उठाएका थिए, तर संविधानसभामा प्रतिनिधित्व गर्ने अधिकांस सदस्यहरुले अस्विकार गरेपछि यो मुद्दा स्वतः खारेज भएको थियो । संविधान जारी भएपछि पनि भारतले संविधान जारी भएको विषयलाई स्वागत नगर्नुको पछाडि यो पनि एउटा कारण थियो । ‘बहुल राष्ट्रिय राज्यका रुपमा नेपाललाई स्थापित गराउने हो । नेपाल एकल राष्ट्रिय राज्य होइन, बहुल राष्ट्रिय राज्य हो । पार्टीको मूल लक्ष्य यो रहेको छ ।’महतोले भनेका छन् ।

नेपालको संविधानले बहुल राष्ट्रियतथालाई अस्विकार गर्दै बिबिधतामा आधारित नेपाली राष्ट्रियता नै नेपालीको एकल साझा राष्ट्रियता भएको उल्लेख गरेको छ । “बहुजातीय, बहुभाषिक, बहुधार्मिक, बहुसांस्कृतिक विशेषतायु भौगोलिक विविधतामा रहेका समान आकांक्षा र नेपालको राष्ट्रिय स्वतन्त्रता, भौगोलिक अखण्डता, राष्ट्रिय हित तथा समृद्धिप्रति आस्थावान रही एकताको सूत्रमा आबद्ध सबै नेपाली जनता समष्टिमा राष्ट्र हो ।” संविधानको धारा ३ ले नेपालको राष्ट्रियतालाई यसरी ब्याख्या गरिएको छ ।

उपप्रधानमन्त्रीबाटै पदबहालीसँगै राष्ट्रिय अखण्डतामा विभाजन ल्याउने उद्घोष गरेपछि त्यसको राजनीतिकरुपमा बिरोधका स्वरहरुपनि सुनिन थालेका छन् । एमालेको नेपाल पक्षका नेता योगेश भट्टराईले महतोको भनाईले राम्रो संकेत नगरेको बताएका छन् । उनले संविधानले बिबिधतामा आधारित नेपाली राष्ट्रियता नै नेपालको राष्ट्रियता भएको उल्लेख गर्दै मन्त्रीको अभिब्यक्तिमा लगाम लगाउन प्रधानमन्त्रीलाई सुझाएका छन् ।

जनता समाजवादी पार्टीको उपेन्द्र यादव समूहबाट कारवाहीमा परेका नेता राजेन्द्र महतोको नेतृत्वमा उप्रधानमन्त्रीसहित ८ मन्त्री र २ राज्यमन्त्री गरी १० जनाको टोली ओली सरकारमा सहभागी भएको छ ।

प्रकाशित मिति : २२ जेष्ठ २०७८, शनिबार  ८ : ३५ बजे

लगानी सम्मेलनमा प्रदेशका आयोजनाको पनि स्टल राखिने

काठमाडौं । आगामी वैशाखमा हुने तेश्रो लगानी सम्मेलनका क्रममा प्रदेशस्तरीय

खुमबहादुर खड्कालाई भ्रष्टाचारको झुठ्ठो मुद्दामा फसाइयो, उनको योगदान अतुलनीय छ : सभापति देउवा

दाङ । नेपाली कांग्रेसका सभापति शेरबहादुर देउवाले कांग्रेस नेता खुमबहादुर

एन आई सी एशिया बैंकले मनायो सप्ताहव्यापी ‘ग्लोबल मनी विक २०२४’

काठमाडौ । एन आई सी एशिया बैंकले वित्तीय साक्षरता अभिवृद्धि

मन्त्री फेरिँदैमा सरकारको नीति परिवर्तन हुँदैन : अर्थमन्त्री पुन

काठमाडौं । अर्थमन्त्री वर्षमान पुनले निवर्तमान अर्थमन्त्री डा. प्रकाशशरण महत

बुटवल उपमहानगरमा ज्येष्ठ नागरिक र फरक क्षमता भएका व्यक्तिको घरदैलोमा पुगेर स्वास्थ्य परीक्षण

बुटवल । बुटवल उपमहानगरपालिकामा ज्येष्ठ नागरिक र फरक क्षमता भएका