एमालेलाई २०७५ जेठ ३ पूर्वको अवस्थामा ब्युँताउने एमाले अध्यक्ष ओलीको घोषणा, सर्वोच्चको रिट फिर्ता लिनुपर्ने शर्त

खबर कुरा
२३ जेष्ठ २०७८, आईतवार

काठमाडौं । नेकपा एमालेका अध्यक्ष एवं प्रधानमन्त्री केपी ओलीले एमाले एकताको नयाँ प्रस्ताव अगाडि सारेका छन् । लामो समयदेखि एमालेको माधव पक्षले उठाउँदै आएको एमालेको संगठनलाई जेठ ३ पूर्वको अवस्थामा पु¥उने मागलाई सम्बोधन गर्दै ओलीले त्यसको बदलामा कांग्रेस सभापति शेरबहादुर देउवा लाई प्रधानमन्त्री बनाउन माग गर्दै सर्वोच्चमा परेको निवेदनमा एमालेका तर्फबाट हस्ताक्षर गरेका सबैले हस्ताक्षर फिर्ता लिनुपर्ने प्रस्ताव गरेका छन् ।

आज एकताको आह्वान पत्र सार्वजानिक गर्दै ओलीले एमाले सबै भातृ संगठनहरुलाई पनि २०७५ जेठ ३ पूर्वको अवस्थामा ब्युँताउने प्रतिबद्धता व्यक्त गरेका छन् ।

आज मध्यान्ह मात्र नेपाल पक्षले स्थायी कमिटी बैठककाे निर्णय सार्वजानिक गर्दै एकता वार्तालाई अध्यक्ष ओलीकाे दाउपेचमा नअल्मलिने बताएकाे थियाे । स्थायी कमिटीको बैठकले ओली पक्षबाट वार्ताको नाममा चाबाजीको भ्रममा नपर्न कार्यकर्तालाई आग्रह गरेको समेत गरेकाे थियाे ।

ओलीले ६ बुँदामा प्रस्ताव गर्दै गल्ति कमजाेरी गरेका नेपाल पक्षका नेताहरुलाई कारवाही नगरिने समेत घाेषणा गरेका छन् । ‘यसबीचमा विभिन्न कमरेडहरुबाट भएका गल्ती तथा कमजोरीलाई लिएर कुनै कारबाही गरिने छैन, पूर्वाग्रह राखिने छैन, कुनै भेदभाव गरिने छैन ।’ ओलीले भनेका छन् ।

यसमा तपाइको मत

Your email address will not be published. Required fields are marked *


*